चारआली ।आदिवासी जनजाति समुदायभित्र पर्ने चार जातीले मनाउँदै आएको सबै ल्होछार पर्व एकै साथ मनाउने भएका छन् । झापाको मेचीनगरमा बसोबास गर्ने चार जातीहरु (मगर, शेर्पा, तामाङ र गुरुङ) ले संयुक्त रुपमा पत्रकार सम्मेलन गरी ल्होछार पर्व एकै साथ मनाउने घोषणा गरेका हुन् । 
बुद्ध धर्मलम्बीको धर्मसंस्कृति मनाउने परम्परा एउटै भएकाले ल्होछार पर्व एकैसाथ मनाउन निर्णय गरेको संयुक्त ल्होछार (डुग ल्हो) समितिका अध्यक्ष फुर्वा लामाले जानकारी दिए । चार जातीले एकैसाथ धर्म मनाएर पूर्वबाट एकताको सन्देश दिने प्रयास गरेको उनको भनाई थियो । मेचीनगर-१३ मा बसोबास गर्ने चार जातीले माघ २० गते एकैसाथ ल्होछार मनाउने भएका हुन् ।चारआली उत्तर प्रगती बन क्षेत्रमा रहेको पुरानो गुम्बा भएको स्थलमा आयोजना गरिने ल्होछार पर्व मनाउन धार्मिक तथा सांस्कृतिक कार्यक्रममा वडामा बसोबास गर्ने चारवटै जातीले ऐक्यवद्धतासमेत जनाएका थिए ।
धर्म मनाइरहँदा सरकारले सबै जातजातीको पर्वको दिन पटकपटक छुट्टी दिँदा राज्यलाई पनि भार पर्ने भएकाले एउटै धर्म-संस्कार मनाउने जातीले छुट्टाछुटै दिन मनाउँदा राम्रो संदेश नदिएकाले एकै समयमा मनाउने निर्णय लिएको सोनाम तामङले जानकारी दिए ।
एकैसाथ मनाउँदा एकताको सन्देश पर्वाह हुने भएकाले यस प्रकारको कार्यक्रम आयोजना गर्न लागिएको नेपाल तामाङ घेदुङका जिल्ला सदस्य मानबहादुर तामाङको भनाई थियो ।
कार्यक्रममा प्रदेश १ का आन्तरीक मामिला तथा कानून मन्त्री शमशेर राईको प्रमुख आतिथ्यता तथा प्रदेश १ ‘क’ र ‘ख’ बाट निर्वाचित सांसद, नगरपालिकाका प्रमुख उपप्रमुख, वडासदस्यहरुको आतिथ्यता रहने आयोजकको भनाई छ ।
कार्यक्रमका लागि ५ लाख अनुमानित खर्च लाग्ने र उक्त खर्च आन्तरिक श्रोतबाट जुटाउने आयोजकको भनाई थियो ।
नेपाल मगर संघ सदस्य कुमार राना मगर, पुर्वअध्यक्ष नेपाल तामाङ भेदुङ, तिलबहदुर गुरुङ, छिरिङ शेर्पालगायतको सहभागीता रहेको थियो ।
_1750841257.jpg)
_1750565822.gif)
_1751864738.jpg)
