कोशी प्रदेशमा पहिचान पक्षधर र सरकारबीच ५ बुदेँ सहमति

झापा । कोशी प्रदेश सरकार र आन्दोलनरत पहिचान पक्षधरसँग ५ बुदेँ सहमति भएको छ ।

प्रदेशको नाम खारेजीसहित पहिचानका आधारमा नामांकन गर्नुपर्ने माग गर्दै आन्दोलनमा उत्रिएको प्रदेशमा पुनः नामांकन संयुक्त संघर्ष समितिसँग संवादबाट ५ बुदेँ सहमतिमा गर्दै समाधान खोजेको हो । आन्दोलनरत पक्षसँग राजनीति सहमति र पहलमा छलफल अघि बढाउने, आन्दोलनको स्वारुप परिवर्तन गरी शान्तिपुर्ण आन्दोलन बढाउने र प्रदेश सरकारले बल प्रयोग नगर्ने, आन्दोलनका क्रममा घाइते भएकाको उपचार र मृत्यु भएकालाई क्षतिपूर्तिको ब्यवस्थापन प्रदेश सरकारले गर्ने, आन्दोलनका क्रममा पक्राउ परेकालाई जेलमुक्त र मुद्दा परेकालाई मुद्दा फिर्ता लिन प्रदेश सरकारले प्रक्रिया अघि बढाउने, समन्वयको आधारमा आगामी फागुन १० अघि नै पुनः वार्ता बस्ने भनी सहमति गरिएको हो ।वार्तामा सरकारका तर्फबाट भौतिक पूर्वाधार विकासमन्त्री कमलप्रसाद जवेगू संयोजकत्वमा पर्यटन, वन तथा वातावरणमन्त्री गणेशप्रसाद उप्रेती सदस्य र आन्तरिक मामिला तथा कानुन मन्त्रालयका सचिव लक्ष्मीप्रसाद पौडेल सदस्य सचिव रहने गरी वार्ता समिति गठन गरेको थियोभने संयुक्त वार्ता समितिबाट डकेन्द्रसिंह थेगिन, गोबिन्दबहादुर आन्बुहाङ, युवराज राई, सुवास राईलगायत रहेका थिए ।

पहिचानवादीले बनाएको वार्ता टोलीबीच बिहीबारबाट वार्ता सुरु भएको छ । प्रारम्भिक वार्ता सकारात्मक रहेको दुवै पक्षले जनाएका छन् । १७ फागुन ०७९ मा प्रदेश सभाले प्रदेशको नाम कोशी राखेयता पहिचान पक्षधरहरू आन्दोलित छन् ।