प्रेस क्लबद्वारा `तस्बिर र दृश्य सम्पादन´ सम्बन्धि तालिम सुरु

मेचीनगर । प्रेस क्लब मेचीनगरले शनिबार “फोटो-भिडियो सम्पादन” सम्बन्धी तालिम सुरु गरेको छ ।  पत्रकारिता क्षेत्रमा मोबाइलको प्रयोग अतिआवश्यक हुँदै आएपछि क्लबले आफ्ना सदस्यलाई उक्त तालिम दिएको हो ।पहिलो चरणअन्तर्गत क्लबको कार्यालयमै फोटो तथा भिडियो सम्पादन सम्बन्धी तालिम दिएको हो । तालिममा २० बढी सञ्चारकर्मीलाई फोटो खिच्दा ध्यान दिनुपर्ने र अपनाउनुपर्ने सावधानीका बिषयमा कान्तिपुर दैनिकका कोशी प्रदेश प्रमुख पत्रकार पर्वत पोर्तेलले सहजीकरण  गरेका थिए । त्यस्तै दृश्य छायांकनमा प्रयोग गरिने मोबाइल, एप्समा प्रयोग गर्ने तरिका र पुर्ण रिपोर्ट तयारीका बिषयमा सहजीकरण गरेका थिए ।तालिमको औपचारिक कार्यक्रममा क्लबका संस्थापक अध्यक्ष सन्तोष आचार्य, पूर्वअध्यक्ष मुक्ति पौडेललगायतले तालिम अत्यन्त फलदायी भएको धारणा राखेका थिए । 

त्यसै गरी सहजकर्ता पोर्तेलले आफूले तालिममा सिकेको सीपलाई सबैसामु पुर्याउने उद्देश्यले सहजीकरण गरिएको बताए  । उनले दर्शक र पाठकको अपेक्षाअनुरुप सामग्री पस्कनुपर्ने जरुरी भएको सुझाव दिएका थिए ।तालिम आगमी शनिबार काकरभिट्टामा सम्पन्न हुने कार्यक्रम संचालक एबम् क्लबका उपाध्यक्ष जिआर धितालले जानकारी दिए  ।डम्बर बरालको अध्यक्षतामा सुरु भएको तालिममा बिनिशा शर्माले स्वागत र उपाध्यक्ष धितालले सन्चालन गरेका थिए ।यसअघि क्लबले मेचीनगर–४, बाहुण्डाँगीस्थित प्रकृति पार्कमा वृक्षारोपण  गरेको थियो ।