झापा २२, साउन । कनकाई घाटमा दाहसंस्कार गर्न लगिएको एक महिलाको शवलाई प्रहरी नियन्त्रणमा लिएको छ । इलाका प्रहरी कार्यालय सुरुङगा र बिर्तामोडबाट खटिएको संयुक्त प्रहरी टोलीले सोमवार दिउँसो ३ बजे कनकाई नगरपालिकास्थित माई खोलाको घाटबाट शव नियन्त्रणमा लिएको हो । शिवसताक्षी नगरपालिका–९ घर भई हाल कनकाई नगरपालिका– ३ सुरुङ्गामा डेरा गरी बस्ने ३२ वर्षीय पूजा कोचकारको कुटपिटबाट मृत्यु भएको प्रहरी कार्यालयमा उजुरी परेपछी प्रहरीले नियन्त्रण गरेको हो ।
कोचकारको श्रीमान् र जेठी श्रीमतीको कुटपिटबाट कान्छी श्रीमती पूजाको मृत्यु भएको हुनसक्ने आशङ्कामा स्थानीयले प्रहरीले नियन्त्रणमा लिएको जिल्ला प्रहरी कार्यालय झापाले जनाएको छ ।
पूजाका श्रीमान् ५० वर्षीय चोपेन्द्र कोचकार घर निर्माण सम्बन्धी ठेक्कापट्टाको काम गर्दै आइरहेको छ । चोपेन्द्रको दुई वटा श्रीमतीमध्ये मृतक पूजा कान्छी श्रीमती हुन । पूजाको माइती भारतको नागाल्याण्ड भएको भन्ने बुझिएको छ । उनीहरूका १० वर्षको एक जना छोरा छ । यसअघि श्रीमान् श्रीमतीबीच झैझगडा हुने गरेको भएपनि यसपटक भने बिरामी भएरै उपचारका लागि लगिएको बताइएको छ ।
_1750841257.jpg)
_1750565822.gif)
_1751864738.jpg)
