बस नभेटिएपछि चुम्बक हालेर खोजी कार्य जारी

असार २८, २०८१
२१३ पटक पढिएको
अनुगमन संवाददाता

चितवन । सिमलतालमा शुक्रबार बिहान करिब ३ बजे वीरगञ्जबाट काठमाडौंतर्फ आउँदै गरेको बागमती प्रदेश–०३–००६ ख १५१६ नम्बरको एन्जल डिलक्स बस र काठमाडौंबाट गौरतर्फ जाँदै गरेको बागमती प्रदेश–०३–००१ ख २४९५ नम्बरको बसलाई लेदोसहितको पहिरोले बगाएको थियो ।

तीन यात्रु पौडी खेलेर किनारामा निस्किएका थिए ।

दुइवटा बसमा ६३ जना यात्रु यात्रारत रहेको बताइएको छ ।

चितवन जिल्ला प्रहरी कार्यालयका प्रवक्ता डीएसपी भेषराज रिजालले दिएको विवरण अनुसार बसका धनी चालक र सहचालकसहित ३१ जना सवार थिए।

जसमध्ये रौतहटको गढीमाई नगरपालिका(३ बस्ने वर्ष २६ का सुरज गुप्ता भने बाँच्न सफल भएको उनले जानकारी दिए । उपचारपछि हाल उनी आफन्तकोमा बसेका छन्।

चुम्बक फालेर खोजी सुरु:

पानीको चाप अत्यधिक र धमिलो भएकाले नदीको गहिराइसम्म गोताखोर पुग्न सक्ने अवस्था छैन । त्यसकारणले चुम्बक फालेर बसको खोजी सुरु गरिएको सशस्त्र प्रहरीले जनाएको छ ।

त्यसैगरी हुक लगाएर पनि खोजी भइरहेको छ । लामा–लामा बाँसका भाटा तथा रडको सहायताले पनि खोजी भइरहेको सशस्त्र प्रहरीले जनाएको छ ।

बेपत्ता ३० जना :

-नन्दुजी (मोबाइल नम्बर ९८०९२८८६८०) सहित ५ जना ।

-अमृताजी (मोबाइल नम्बर ९८२३५२२९३९) सहित २ जना ।

-हरिशचन्द्र जी (मोबाइल नम्बर ९८६७७७७५७६) समेत २ जना ।

-शम्भु/नवीनजी (मोबाइल नम्बर ९८१९२४६८६४ ५) समेत ४ जना ।

-राजु पटेल (मोबाइल नम्बर ९८०४२८०१४२)

-नन्दन दास (मोबाइल नम्बर ९७०६९३४५५०)

-प्रिन्स जैसवाल (मोबाइल नम्बर ९८१२३५६७७८)

-सिकेन्द्रजी (मोबाइल नम्बर ९८२१२८७२७५)

-वकिल खा (मोबाइल नम्बर ९८१०३१४६४५)

-ओम (मोबाइल नम्बर ९८२६२०१०६२)