मेचीनगर । खेलकुदको विकास र प्रवर्द्धन गर्ने उदेश्यले झापाको मेचीनगरमा आगामी फागुन २९ गतेदेखि “मेचीनगर नगर ओलम्पिक´ हुने भएको छ । खेलकुद विकास समिति मेचीनगरको आयोजनामा विभिन्न विधामा नगरस्तरीय `खेलकुद महाकुम्भ´ प्रतियोगिता हुने भएको हो।
नगर ओलम्पिकमा फुटबल, क्रिकेट, भलिबल, कबड्डी, कराते, तेक्वान्दो, बक्सिङ र एथलेटिक्सका खेलहरू हुने मेचीनगर बरिस्ठ प्रशासकीय अधिकृत तथा नगर खेलकुद विकास समिती सदस्य सचिव अनन्तप्रकाश वस्तीले जानकारी दिए ।
उनका अनुसार फुटवल, भलिवल, क्रिकेट, कवाडी महिला/पुरुष चेस–बुद्दिचाल खुला र विभिन्न तौल समुहको कराँते, बक्सिंग, तेक्वान्दो तौल समुहमा हुने छ ।
त्यस्तै एथलेटिक्स तर्फ महिला/पुरुषको हाइजम्प, लंगजम्प, सटपुट, ज्याभलिन रिले प्रतियोगितामा सहभागी हुनेछन् ।
मेचीनगर खेलकुद विकास समिति उपाध्यक्ष रविन ओझाले फागुन २३ गतेसम्ममा नगरका पन्द्रवटै वडाबाट खेलाडीहरु छनोट सम्पन्न गरी नगरपालिका बुझाइ सक्नुपर्ने बताए । उनका अनुसार वडाबाट कराँते, तेक्वान्दो, बक्सिङ खेलका लागि प्रत्येक तौल समुहबाट १ जना महिला र १ जना पुरुष छनौट गरिनेछ । त्यस्तै फुटबल, क्रिकेट, भलिबल, कबड्डीखेलको पनि महिला र पुरुष दुवै टिम छनोट गरिने उनले बताए ।
प्रतियोगितामा सहभागी विजेता टिम तथा खेलाडीहरुलाई नगदसहित ट्रफि, मेडल र प्रमाणपत्र वितरण गरिने मेचीनगर खेलकुद विकास समिति संयोजक हृदय राजवंशीले जानकारी दिए ।
_1750841257.jpg)
_1750565822.gif)
_1751864738.jpg)
